Татарча да яхшы бел.

    Тел, тел дибез, нәрсә соң ул тел? Тел –кешеләрнең аралашуы өчен бик әһәмиятле чара. Ул кеше тормышында гаять зур урын тота. Тел кешеләргә бер-берсе белән аралашырга, бер-берсен аңларга, бер-берсенең теләк-максатларын, уй-фикерләрен белергә ярдәм итә.

   Без Уби урта мәктәбенең 5нче сыйныфында белем алабыз. Безнең мәктәптә татар, чуваш һәм рус балалары укый. 21 нче февраль көнне “Туган тел көне” бәйрәме билгеләп үттелде. Һәр сыйныф укучысы бу бәйрәмгә бик теләп әзерләнде. Бездә, Җәмәлетдинова А. М. җитәкчелегендә, сыйныфта “Татарча да яхшы бел” кичәсе үткәрдек. Менә шул кичәдә үзебезнең татар телен ничек белүебезне күрсәттек. Татар телендә шигырьләр сөйләдек, мәкальләр әйттек. Ә, кичәбезне “Туган тел” җыры белән тәмамладык. Без алдагы көннәрдә дә татар телен тагын да тирәнтен өйрәнербез.